metaboKemi filluar aktivitetin  tregtar  në tregtimin e veglave të punës që nga viti 1998. Administratori i vetëm Artur Qyrana hapi një dyqan të vogël, dhe tepër modest kryesisht për shitjen me pakicë të veglave të punës dhe të materialeve të tjera ndihmëse si pjesë riparimi etj. I nisur nga pasioni dhe njohuritë që zotëronte në këtë fushë si dhe kërkesa e tregut në rritje për këta artikuj çdo gjë erdhi në zhvillim. Nga një dyqan me përmasa modeste për tregun e qytetit të Fierit, produktet cilësore të tregtuara me çmime konkurruese si dhe bashkëpunimi me furnitorë të huaj që sa vinte e rritej bënë që të krijoheshin kushtet për krijimin e një strukture me dyqane profesionale në treg. Aktiviteti kryesor i shoqerisë tonë tashme ndryshoi nga ai i dyqanit modest.
Objektivi ynë ishte dhe është tregëtimi i artikujve cilësor si dhe shtimi i gamës së artikujve të markave prestigjoze në europë.
Sot shoqëria jonë është një shoqëri me  kapital tërësisht shqiptare dhe klientët e saj janë të shtrirë në të gjithë territorin e vendit. Objektivi ynë është të ofrojmë një gamë të gjerë produktesh cilësore për të përmbushur kërkesat e çdo lloj klienti. Për këtë arsye shoqëria jonë është në kërkim të vazhdueshëm të cilësisë maksimale dhe furnitorëve më të mirë për të realizuar këto qëllime.
Që nga fillimet e aktivitetit shoqëria e ka rritur mjaft profilin e saj në treg me gamën e gjerë të artikujve që ajo tregëton, me produkte cilësore dhe sigurisht çmimet mjaft konkuruese. Gjithashtu shoqëria ka ditur të afirmohet në përballje me konkurencën shpeshherë të pandershme të kompanive që veprojnë në të njëjtin sektor.
Sot ne jemi një nga shoqëritë më të njohura në tregun shqiptar. Pa dyshim shumë i vlefshëm ka qenë dhe krijimi i emrit të mire tek partnerët dhe tek klientët, gjë për të cilën shoqëria ka punuar shumë. Suksesi i Kompanisë vjen dhe si rrjedhojë e  bashkëpunimit të fuqishëm me furnitorët Europian kryesisht Gjermanë por edhe në shtete të tjera si Itali, Austri, Francë, Spanjë, Belgjikë, Suedi, Greqi me firma prodhuese të cilat i destinojnë produktet e tyre për tregun europian e amerikan pra sipas standarteve europiane e botërore si: Metabo, HITACHI, Telwin, Deca, Husqvarna, Matador, BGS, Lavor, Gardena, Stabila, Nuair e shumë të tjera.
    partneret